FLASH NEWS:

அன்பு ஒன்றினாலே பகைமை நீங்கும் **** கௌதம புத்தர் ****** தமிழ்நாடு பட்டதாரி ஆசிரியர் கழகம் திண்டுக்கல் மாவட்டம்

9 May 2022

முன்னாள் மாவட்ட செயலாளரும்,இந்நாள் கௌரவ தலைவருமான திரு க சந்திர சேகரன் அவர்களின் பணி நிறைவு பாராட்டு விழா 08-05-2022

இன்று நடைபெற்ற (08.05.2022 ) நமது  பேரமைப்பின் முன்னால் மாவட்ட செயலாளரும்,இன்றைய கௌரவத் தலைவருமான க.சந்திரசேகரன் அவர்களின் பணி நிறைவு நாள்  விழா மிகச்சிறப்பாக நடைபெற்றது. விழாவில் நமது பட்டதாரி- முதுநிலை பட்டதாரி கழக சிறப்புத்தலைவர் T.S ஐயா, மாநில தலைவர் திரு. கி.மகேந்திரன் மற்றும் மாநில நிர்வாகிகள், பிற மாவட்ட, மாவட்ட, வட்ட நிர்வாகிகள் மற்றும் உறுப்பினர்கள் பெருந்திரளாக கலந்துகொண்டனர். 


அதைத் தொடர்ந்து நடைபெற்ற சிறப்பு பொதுக்குழு கூட்டமும் மிகச்சிறப்பாக நடைபெற்றது. 

பொதுக்குழு கூட்டத்தில் மாநில தலைவர் கி.மகேந்திரன் அவர்கள் பேசிய தகவல் துளிகளில் சில....


பணிநிரவல் கலந்தாய்வில் மாறுதல்பெற்ற சில ஆசிரியர்களுக்கு மாத ஊதியம் கிடைத்தாலும் மீதியுள்ள ஆசிரியர்களுக்கு வரும் இரண்டொருநாளில் மாநில அளவிலான அரசாணை வரும் என எதிர்பார்க்கப்படுகிறது. 

M.Phil படிப்பு ஊக்க ஊதியம் பெறுவதற்கும், தகுதியான ஆசிரியர்களை பட்டியலில் அடுத்தடுத்து சேர்ப்பதற்கும் மாநில அரசிடம் தொடர்ச்சியான நடவடிக்கை சில ஆண்டுகளாக எடுத்துக்கொண்டு வந்தாலும் நிதி சம்பந்தமான முடிவானது  மாநில அரசின் கைகளில் இருப்பதால் இன்றுவரை அரசின் முடிவுக்காக காத்திருக்க நேரிடுகிறது...இருந்தாலும் தொடர்ச்சியாக வலியுறுத்தப்படுகிறது. 


CPS திட்டம் அமல்படுத்துவது குறித்து நமது நிதியமைச்சர் ஒருசில கருத்துக்களை தெரிவித்திருந்தாலும், ஒருசில மாநிலங்களில் மறுபடியும் CPS திட்டத்தை செயல்படுத்த அந்தந்த மாநில முதலமைச்சர்கள் விருப்பம் தெரிவித்திருந்தாலும் கூட தமிழ்நாடு மற்றும் மேற்குவங்கம் தவிர அனைத்து மாநிலங்களும் தங்கள் ஊழியர்களுக்கான CPS  ஓய்வூதிய நிதியை BFRDA வில் செலுத்தியிருக்கின்றன....சில மாநில அரசுகள் மறுபடியும் CPS திட்டத்திற்கு மாற ஒன்றிய அரசிடம் கேட்கும்போது ஒன்றிய அரசானது மாநில அரசு இதுவரை CPSல் செலுத்திய பல்லாயிரக்கணக்கான கோடி தொகையை திரும்ப ஒப்படைக்க முடியாது என பிடிவாதமாக கூறும்போது CPS திட்டத்திலிந்து GPF திட்டத்திற்கு மாறும் மாநில அரசுகள்கூட தாங்கள் செலுத்திய பல்லாயிரக்கணக்கான கோடிகளை இழக்க விரும்பாமல் மீண்டும் CPS திட்டத்தையே ஆதரிக்க வேண்டிய நிர்பந்தம் ஏற்படுகின்றது. ஆனால் விதிவிலக்காக தமிழ்நாடும் மேற்குவங்கமும் மட்டும் அந்த தொகையை BFRDA வில் செலுத்தாமல் உள்ளதால் நாம் ஒன்றிய அரசிடம் கெஞ்சவேண்டிய நிர்பந்தநிலை இருக்காது எனவும் முழுக்க முழுக்க தமிழக அரசின் முடிவே போதுமானது என்றும் கூறினார். நமது CPS தொகை BFRDAல் செலுத்தாமல் இருப்பதால் நமக்கு மீண்டும் GPF பென்சன் திட்டம் அமல்படுத்த வழியுள்ளது எனவும் நமது முதலமைச்சரின் முடிவை எதிர்நோக்கியிருப்பதாகவும் கூறினார். 


CPS திட்ட எதிர்ப்பு போராட்டங்களை பொறுத்தவரை மாநில நிர்வாகிகளின் கருத்துக்களை கேட்டறிந்தும்,  கடந்த கால போராட்ட அணுபவங்களின் வாயிலாக நமக்கு ஏற்பட்ட பாதிப்பு மறுபடியும் வராமல் இருப்பதற்காக ஒத்திசைவு உள்ள அனைத்து சங்கங்களுடன் இணைந்துபேசி ஒரு நல்ல முடிவை எடுப்பதாகவும் கூறினார். நாம் யாரையும் எந்த சங்கத்தையும் பின்பற்றவில்லை எனவும், நம்முடைய கோரிக்கைகளில் உறுதியாக, விவேகமாக நிதானமாக செயல்படுவதாகவும், வெற்று விளம்பரங்களுக்காக மற்றவர்கள் நடத்தும் போராட்டங்களினால் நமது ஆசிரிய சகோதர சகோதரிகளை பலிகடாவாக்க விரும்பவில்லை எனவும் கூறினார். 



ஆசிரியர்களுக்கு பணிப்பாதுகாப்பானது இல்லாமல் போனது கொரோணா காலத்தில் மட்டும் ஏற்பட்டுள்ளது அல்ல, அது பல வருடங்களாக நாம் உருவாக்கிய மாணவர்களின் தாக்கம் எனவும், குறிப்பாக தகுதியற்ற மாணவர்களையும் கட்டாய தேர்ச்சி முடிவால் அடுத்தடுத்து தேர்ச்சியடைய வைத்ததால் இன்று ஆசிரியர்களுக்கு பாதுகாப்பு குறைபாடு ஏற்பட்டுள்ளது எனவே தகுதியற்ற மாணவர்களை மீண்டும் கட்டாய தேர்ச்சியடைய வைக்காமல் இருப்பது நலமாக இருக்கும்  எனவும் இது என்னுடைய தனிப்பட்ட கருத்து எனவும் கூறினார். 



இறுதியாக மாவட்ட நிர்வாகி திரு.முத்துமால்மருகன் நன்றி கூறினார்.