FLASH NEWS:

அன்பு ஒன்றினாலே பகைமை நீங்கும் **** கௌதம புத்தர் ****** தமிழ்நாடு பட்டதாரி ஆசிரியர் கழகம் திண்டுக்கல் மாவட்டம்

20 September 2018

பிபிஎப், என்எஸ்சி சிறு சேமிப்பு திட்டங்கள் வட்டி விகிதத்தினை 0.40% வரை உயர்த்தி மத்திய அரசு அதிரடி


மத்திய அரசு அக்டோபர் 1 முதல் டிசம்பர் 31 வரையிலான மூன்றாம் காலாண்டில் பிபிஎப், செல்வ மகள் திட்டம் போன்றவற்றின் மீதான வட்டி விகிதத்தினை 0.40 சதவீதம் வரை உயர்த்தி அறிவித்துள்ளது.


கடந்த இரண்டு காலாண்டுகளாகச் சிறு சேமிப்புத் திட்டங்கள் மீதான வட்டி விகிதத்தினை மத்திய அரசு உயர்த்தாமல் இருந்து வந்த நிலையில் தற்போது உயர்த்தி இருப்பது முதலீட்டாளர்கள் மத்தியில் மகிழ்ச்சியை ஏற்படுத்தியுள்ளது.


மத்திய நிதி அமைச்சகம் புதன் கிழமை வெளியிட்டுள்ள சுற்றறிக்கையில் சிறு சேமிப்புத் திட்டங்கள் மீதான வட்டி விகிதத்தினை 0.30 சதவீதம் முதல் 0.40 சதவீதம் வரை உயர்த்துவதாகத் தெரிவித்துள்ளது.


ஒரு வருட இரண்டு வருட டைம் டெபாசிட் திட்டங்கள் மீதா வட்டி விகிதம் 0.30 சதவீதமும், செல்வ மகள் திட்டம், பிபிஎப் போன்ற திட்டங்களுக்கு 0.40 சதவீதம் வரை வட்டி விகிதத்தினை உயர்த்தியுள்ளனர்.


எனவே அக்டோபர் 1 முதல் டிசம்பர் 31 வரை எந்தத் திட்டங்களுக்கு எவ்வளவு வட்டி விகிதத்தினை மத்திய அரசு அளிக்க இருக்கிறது என்ற விரிவான தகவல்களை இங்குப் பார்க்கலாம்.
டைம் டெபாசிட் திட்டங்கள்

1 வருட டைம் டெபாசிட் திட்டத்தில் முதலீடு செய்யும் போது 6.6 சதவீதம் வட்டி விகிதம் அளிக்கப்பட்டு வந்த நிலையில் அக்டோபர் 1 முதல் 6.9 சதவீதம் லாபம் கிடைக்கும்.

2 வருட டைம் டெபாசிட் திட்டத்தில் முதலீடு செய்யும் போது 6.7 சதவீதம் வட்டி விகிதம் அளிக்கப்பட்டு வந்த நிலையில் அக்டோபர் 1 முதல் 7.0 சதவீதம் வட்டி விகித லாபம் அளிக்கப்படும்.


3 வருட டைம் டெபாசிட் திட்டத்தில் முதலீடு செய்யும்போது 6.9 சதவீத வட்டி விகிதம் அளிக்கப்பட்டு வந்த நிலையில் அது 7.2 சதவீதமாக உயர்த்தப்பட்டுள்ளது.


4 வருட டைம் டெபாசிட் திட்டத்தில் முதலீடு செய்த போது 7.4 சதவீத வட்டி விகித லாபம் அளித்து வந்த நிலையில் 7.8 சதவீதமாக வட்டி விகித உயர்வு அளிக்கப்பட்டுள்ளது.
5 வருட டைம் டெபாசிட் திட்டத்தில் 6.9 சதவீத வட்டி விகித லாபம் அளிக்கப்பட்டு வந்த நிலையில் அக்டோபர் 1 முதல் 6.9 சதவீத வட்டி விகித லாபம் அளிக்கப்படும் என்றும் தெரிவித்துள்ளனர்.


5 வருட மூத்த குடிமக்கள் சேமிப்புத் திட்டம்

மூத்த குடிமக்களுக்கான இந்த 5 வருட சேமிப்புத் திட்டத்தில் ஜனவரி மாதம் முதல் செப்டம்பர் மாதம் வரை 8.3 சதவீத லாபம் அளிக்கப்பட்டு வந்தது. தற்போது அக்டோபர் 1 முதல் டிசம்பர் 31 வரை 8.7 சதவீத வட்டி விகித லாபம் அளிக்கப்படும் என்று தெரிவித்துள்ளனர்.


5 வருட மாதாந்திர வருவாய் கணக்கு

5 வருட மாதாந்திர வருவாய் திட்டத்தில் முதலீடு செய்தவர்களுக்கு 8.3 சதவீதமாக இருந்த வட்டி விகிதம் 8.7 சதவீதமாக உயர்த்தப்பட்டுள்ளது.
5 வருட தேசிய சேமிப்புப் பத்திரம்
அரசு பத்திர திட்டங்களின் வருவாய் அதிகரித்துள்ள நிலையில் 7.6 சதவீதமாக இருந்து வந்த வட்டி விகிதம் 8.0 சதவீதமாக உயர்த்தப்பட்டுள்ளது.


பிபிஎப்

பொது வருங்கால வைப்பு நிதி எனப்படும் பிபிஎப் திட்டத்தில் முதலீடு செய்யும் போது 7.6 சதவீதமாக இருந்து வந்த வட்டி விகிதம் 8.0 சதவீதமாக உயர்த்தப்பட்டுள்ளது.


கிசான் விகாஸ் பத்ரா

கிசான் விகாஸ் பத்ரா திட்டத்தில் முதலீடு செய்பவர்களுக்கு 7.3 சதவீதம் லாபம் அளிக்கப்பட்டு வந்த நிலையில் அது 7.7 சதவீதமாக உயர்த்துப்பட்டுள்ளது. அதுமட்டும் இல்லாமல் 118 நாட்கள் முதிர்வு என்று இருந்தது 112 நாட்களாகவும் குறைக்கப்பட்டுள்ளது.


செல்வ மகள் திட்டம்

சுகன்யா சம்ரிதி யோஜனா எனப்படும் செல்வ மகள் திட்டத்தில் முதலீடு செய்துள்ளவர்களுக்கு 8.1 சதவீத வட்டி விகித லாபம் அளிக்கப்பட்டு வந்த நிலையில் அக்டோபர் காலாண்டில் 8.5 சதவீத லாபம் கிடைக்க உள்ளது.


சேமிப்பு கணக்கு

தபால் நிலைய சேமிப்புக் கணக்கில் உள்ள இருப்பு தொகைக்கு ஆண்டுக்கு 4 சதவீத வட்டி விகித லாபம் அளிக்கப்பட்டு வருகிறது. இதில் எந்த மாற்றமும் செய்யவில்லை.


5 September 2018

ஆசிரியர்கள் அனைவருக்கும் தமிழ்நாடு பட்டதாரி ஆசிரியர் கழகத்தின் இனிய ஆசிரியர் தின நல்வாழ்த்துக்கள்


ஆசிரியர் தினத்தின் சிறப்புகள் என்ன; ஏன் இந்த தினம் கொண்டாடப்படுகிறது

ஆண்டுதோறும் செப்டம்பர் 5ஆம் தேதி கொண்டாடப்படும் ஆசிரியர் தினம் குறித்து இங்கே காணலாம்.
ஒழுக்கம், தன்னம்பிக்கை, பொது அறிவு என பல்வேறு விஷயங்களைக் கற்பித்து, உண்மையான வழிகாட்டியாக திகழ்பவர்கள் ஆசிரியர்கள் எனப்படுவோர். அவர்களை ஆண்டுதோறும் கொண்டாட வேண்டியது நம் கடமை. இருப்பினும் ஆசிரியர்களுக்கு நன்றி செலுத்தும் வகையில், செப்டம்பர் 5ஆம் தேதியை, ஒவ்வொரு ஆண்டும் ஆசிரியர் தினமாக கொண்டாடி வருகிறோம்.


ஆசிரியர் பணி:


வெறும் ஏட்டுக் கல்வியை மட்டும் போதிப்பது இல்லை. அதையும் தாண்டி, வாழ்க்கையை வாழ கற்றுத் தர வேண்டும். இதன் அடிப்படை கூறுகளாவன ஒழுக்கம், ஆற்றல், ஊக்கம், தன்னம்பிக்கை, விடாமுயற்சி, பொது அறிவு உள்ளிட்டவை அடங்கும். இப்பணியைச் செய்ய தன்னலமற்ற, தியாக மனப்பான்மை கொண்டவராக இருக்க வேண்டும். அதுமட்டுமல்லாமல் ஆசிரியர் பணியை நேசிப்பவராக செயல்பட வேண்டும்.


ஆசிரியர் தினம்:

ஆசிரியப் பணியை புனிதப் பணியாக கருதி, பிற ஆசிரியர்களுக்கு முன்னுதாரணமாக விளங்குவோரை சிறப்பிக்கும் வகையில் இந்த தினம் கொண்டாடப்படுகிறது. அவ்வாறு இந்தியாவின் முன்னாள் குடியரசுத் தலைவராக இருந்த சர்வபள்ளி ராதாகிருஷ்ணன் மாபெரும் தத்துவ மேதையாக இருந்தார். இவரை கௌரவப்படுத்தும் வகையில், ராதாகிருஷ்ணனின் பிறந்த நாளான செப்டம்பர் 5ஆம் தேதி ஆசிரியர் தினமாகக் கொண்டாடி வருகிறோம். இதனை கடந்த 1962ஆம் ஆண்டு முதல் கொண்டாடிக் கொண்டிருக்கிறோம்.


ஆசிரியர் தினக் கொண்டாட்டம்:

செப்டம்பர் 5ஆம் தேதியை ஒட்டி, பள்ளி, கல்லூரிகள் பல்வேறு போட்டிகள் நடத்தப்படுகின்றன. இதில் வெற்றி பெற்றவர்களுக்கு பரிசுகள் வழங்கப்படுகின்றன. சிறந்த ஆசிரியர்களை கௌரவிக்கும் விதமாக, மத்திய, மாநில அரசுகள் விருது வழங்கி வருகின்றன.


சர்வபள்ளி ராதாகிருஷ்ணன்:


திருத்தணி அருகே சர்வபள்ளி என்ற இடத்தில் 1888ஆம் ஆண்டு செப்டம்பர் 5ல் ராதாகிருஷ்ணன் பிறந்தார். தத்துவத்தை முதற்பாடமாகக் கொண்டு பி.ஏ பட்டமும், எம்.ஏ பட்டமும் பெற்றவர். சென்னை பிரிசிடென்சி கல்லூரியில் உதவி விரிவுரையாளராக பணியாற்றினார். இந்து மத இலக்கியங்கள், மேற்கிந்திய சிந்தனைகளியும் கற்றுத் தேர்ந்தவர்.
1918ல் மைசூர் பல்கலைக்கழகத்தின் தத்துவப் பேராசிரியராக தேர்வு செய்யப்பட்டார். 1923ல் இந்தியத் தத்துவம் என்ற படைப்பை வெளியிட்டார். ஆக்ஸ்போர்டு உள்ளிட்ட உலகின் பல்வேறு மேடைகளில் சொற்பொழிவுகள் நிகழ்த்தியுள்ளார்.
1931ல் ஆந்திர பல்கலைக்கழக் துணைவேந்தர், 1939ல் பனாரஸ் இந்துப் பல்கலைக்கழக துணைவேந்தர், 1946ல் யுனெஸ்கோ தூதுவராக நியமிக்கப்பட்டார். நாடு சுதந்திர அடைந்த பின், 1948ல் பல்கலைக்கழக கல்வி ஆணையத் தலைவரானார். அதன்மூலம் கல்வித்துறைக்கு சிறப்பான பங்காற்றினார். 1962 முதல் 1967 வரை நாட்டின் இரண்டாவது குடியரசுத் தலைவராக இருந்தது குறிப்பிடத்தக்கது

27 August 2018

கிராஜூவிட்டி”என்று ஆங்கிலத்தில் சொல்லப்படும் “பணிக்கொடை” பற்றிய விளக்கம்…



நண்பர்களே. “கிராஜூவிட்டி”என்று ஆங்கிலத்தில் சொல்லப்படும் “பணிக்கொடை” பற்றி கொஞ்சம் பேசலாமா?


“கொடை”என்றால் அன்பளிப்பு என்று பொருள்.குறிப்பிட்ட காலம் பணிசெய்து ஓய்வு பெறும்போது, இவ்வளவு காலம் அவர் பணி செய்ததற்காக அவருக்கு அளிக்கப்படும் அன்பளிப்பே “பணிக்கொடை” எனப்படுகிறது.


இதை அளிப்பதற்காக அவர் பணி செய்யும் காலங்களில் இதற்கென்று எந்த ஒரு தொகையும் அவரிடம் பிடித்தம் செய்யப்படுவதில்லை.

இது முழுவதுமே நிர்வாகத்தால் வழங்கப்படும் “கொடை”தான்.
பழங்காலத்தில் பணிக்கொடை என்பதெல்லாம் கிடையாது.சில தனியார் முதலாளிகள் தங்களிடம் ஓய்வு பெறும் ஊழியருக்கு இந்த மாதிரி ஒரு தொகையை அன்பளிப்பாக வழங்கி அனுப்பும் வழக்கம் இருந்தது.


நாளாவட்டத்தில் இது எல்லா இடத்திலும் பரவி சட்டத்தால் அங்கீகரிக்கப்பட்டு பணிக்கொடை கொடுத்தே ஆகவேண்டுமென்று சட்டமும் ஆகிவிட்டது.


கிராஜூவிட்டி கணக்கிடும் முறையைப் பார்ப்போம்.


ஒரு ஆண்டு சர்வீஸூக்கு 15 நாட்கள் சம்பளம் கிராஜூவிட்டி என்று கணக்கிட்டு ஒருவர் எத்தனை ஆண்டுகள் பணி செய்துள்ளாரோ அதற்குறிய தொகையை கிராஜிவிட்டியாக வழங்கவேண்டும்.
உதாரணமாக ஒருவர் 25ஆண்டுகள் பணி செய்திருந்தால் அவருக்கு 25×15=375நாட்கள் சம்பளமும்
30ஆண்டுகள்பணி செய்திருந்தால்30×15=450நாட்கள் சம்பளமும் கிராஜூவிட்டியாக வழங்கப்படவேண்டும்.


கிராஜூவிட்டியில் சீலிங் உண்டு.அதிகப்பட்சம் 2000000(இருபது லட்சம்)மட்டுமே வழங்கப்படும்.


பனிஷ்மென்ட் இருந்தால் சர்வீஸ் ஆண்டுகள் குறைத்துக் கணக்கிடப்படும்.
உதாரணமாக 30ஆண்டுகள் பணி செய்தவருக்கு இரண்டாண்டு இன்க்ரிமென்ட் கட் ஆகி இருந்தால் 28ஆண்டுகள் மட்டுமே சர்வீஸ் என கணக்கிடப்படும்.


கடைசியாக வாங்கிய பேசிக்கையும் DAவையும் கூட்டி அதை 26ஆல் வகுத்து வருவதுதான் ஒருநாள் சம்பளமாகும்.


இப்பொழுது கடைசிமாத பேசிக் 40000ரூபாய் வாங்கிய 35ஆண்டுகள் சர்வீஸ் முடித்த பனிஷ்மென்ண்ட் ஏதும் இல்லாத ஒருவரின் கிராஜூவிட்டியைக் கணக்கிடுவோம்.(இப்போதைய DA 7%.)


பேசிக்………………………………40000
DA7%(40000×7÷100)…………..2800
மொத்தம்(40000+2800)……..42800
26ஆல் வகுக்க=42800/26=1646ரூபாய்.

இந்த1646தான் ஒருநாள் சம்பளம்.


15நாள் சம்பளம்=1646×15=24690ரூபாய்
35ஆண்டுசர்வீசுக்கு=24690×35=864150ரூபாய் கிராஜூவிட்டியாகக் கிடைக்கும்.


சுருக்கமாகச்சொன்னால்
(Basic+DA)÷26×15×சர்வீஸ் செய்தஆண்டுகள்.

இதுவே கிராஜூவிட்டி ஆகும்.